“Cyber university” davlat universiteti O‘zbekiston Respublikasi Prezidentining 2025-yil 20-yanvardagi PQ-14-son qarori bilan tashkil etilgan bo‘lib, Universitetning asosiy vazifalari etib quyidagilar belgilangan:
- axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-tahliliy tizimlarni yaratish, robototexnika va boshqa turdosh sohalar bo‘yicha kadrlar tayyorlash;
- raqamli texnologiyalar sohasida mutaxassislarni qayta tayyorlash va malakasini oshirish;
- o‘quv jarayonini ilg‘or xorijiy tajriba va zamonaviy ta’lim texnologiyalari asosida tashkil etish hamda ochiq axborot-ta’lim muhitining rivojlanishiga ko‘maklashish;
- yoshlarning bilim olishi va kasb egallashiga qo‘shimcha shart-sharoitlar yaratish, davlat organlari, korxonalari hamda boshqa tashkilotlarni kadrlar bilan ta’minlashda saralash va qamrovni kengaytirish;
- o‘quv va ilmiy loyihalarni amalga oshirishda yetakchi respublika va xorijiy oliy ta’lim hamda ilmiy-tadqiqot tashkilotlari, raqamli texnologiyalar ishlab chiquvchilari va iste’molchilari, boshqa sohaviy korxonalar bilan hamkorlik qilish;
- tegishli ta’lim yo‘nalishlari va mutaxassisliklari bo‘yicha o‘quv-metodik adabiyotlarni yaratish, talabalar va mutaxassislarni jalb qilgan holda fundamental, ilmiy va amaliy tadqiqotlar olib borish.
Universitetda o‘qishning afzalliklari:
- Dunyo reytingida Top 100 talikda turuvchi (Stanford University, University of California, Berkeley, Johns Hopkins University, Xidian University, Zhejiang University, Beijing University of Technology, Nagoya University va boshqa) universitetlar bilan birgalikda ishlab chiqilgan o‘quv dasturlari asosida ta’lim beriladi;
- Kelajak kasbi egasiga aylanish imkoniyati. O‘rganishlar natijasida butun dunyoda Kiberxavfsizlik yo‘nalishidagi mutaxassislarga talab kelgusi 10-yillikda eng yuqori bo‘ladi (Top 5 ta kasblardan biri);
- Ta’lim 1+3 shaklida olib boriladi. 1 o‘quv yili Foundation, keyingi 3 o‘quv yili to‘liq ingliz tilida olib boriladi;
- Zamonaviy Green campus, Kiberxavfsizlik yo‘nalishida zamonaviy laboratoriyalar, yetakchi xorijiy va mahalliy kompaniyalarda amaliyot (stajirovka) o‘tash imkoniyati;
- Xalqaro almashinuv (International exchange programs) dasturlarida ishtirok etish imkoniyati;
- Xalqaro va davlat namunasidagi diplom va sertifikatlarga ega bo‘lish imkoniyati;
- Faol talabalik hayoti (hakatonlar, turli xil klublar (munozaralar, sport, kino, sayohatlar, ezgu amallar va boshqalar);
- O‘qish davrida turli xil loyihalarda ishtirok etish va ishlash imkoniyatiga ega bo‘lish;
- Yuqori malakali mutaxassislardan amaliy bilim va ko‘nikmalarni o‘rganish;
- Universitetni tugatganda rasmiy ishga joylashish imkoniyatiga ega bo‘lishadi.
Bitiruvchi quyidagi ko‘nikmalarga ega bo‘ladi:
- Kiberxavfsizlik yo‘nalishida zamonaviy bilim va amaliy ko‘nikmalarga;
- Kuchli Networking;
- Jamoaviy ishlash ko‘nikmasi;
- Liderlik;
- Kiberxavfsizlik yo‘nalishida Xalqaro sertifikatlarga - Cisco, CTF, Google, Coursera, Huawei, Amazon, IELTS 7,5 ball ega bo‘lish.
