Cyber University va Beijing Institute of Technology strategik hamkorlik sari qadam qo‘ymoqda
“Cyber University” delegatsiyasi Xitoyga tashrifi doirasida Beijing Institute of Technology (BIT) rahbariyati bilan uchrashuv o‘tkazdi.
Ma’lumot uchun: BIT — Shanghai Ranking reytingiga ko‘ra, raqamli texnologiyalar, sun’iy intellekt, kiberxavfsizlik va kriptografiya yo‘nalishlarida dunyoning eng ilg‘or 20 oliy ta’lim muassasasi qatoriga kiradi.
Tashrif davomida quyidagi yo‘nalishlar o‘rganildi:
Institutda professor-o‘qituvchilar va talabalar uchun yaratilgan sharoitlar;
Institut qoshida tashkil qilingan School of cyberspace science and technology ilmiy-innovatsion faoliyati;
O‘quv dasturlari, amaliyotlar va kadrlar tayyorlash jarayonlari;
Talaba va professorlar tomonidan yaratilgan yangi texnologiyalar ko‘rgazmasi, xususan, zamonaviy kiberhujumlarga qarshi kurashishga qaratilgan texnologik yechimlar alohida e’tirof etildi.
Uchrashuv yakunida quyidagi yo‘nalishlarda hamkorlikni yo‘lga qo‘yish bo‘yicha kelishuvga erishildi:
“Bir makon, bir yo‘l” loyihasi doirasida qo‘shma ilmiy laboratoriya tashkil etish;
“Ikki diplom” qo‘shma o‘quv dasturini joriy etish;
Professor-o‘qituvchilar uchun qisqa, o‘rta va uzoq muddatli malaka oshirish kurslarini tashkil qilish;
Kiberxavfsizlik yo‘nalishida mutaxassislarni tayyorlash va sertifikatsiya tizimini joriy etish.
Mazkur tashrif ikki oliy ta’lim muassasasi o‘rtasida kiberxavfsizlik yo‘nalishida uzoq muddatli, strategik hamkorlikni yo‘lga qo‘yish uchun muhim asos bo‘ldi.
