Hozirda Toshkent viloyati Nurafshon shahri “Yangiobod” MFYdagi Cyber University davlat universitetida Raqamli texnologiyalar vazirligi rahbariyati ishtirokida sayyor qabul yig‘ilishi qizg‘in savol-javoblar tarzida o‘tmoqda.
Fuqarolar va tadbirkorlar IT ta’lim, IT-Park rezidentligi, sun’iy intellekt, internet va mobil aloqa, telekommunikatsiya hamda pochta xizmatlariga oid savollariga bevosita mutasaddilardan javob olishmoqda.
Yig‘ilish ochiq muloqot, fikr almashish va dolzarb muammolarni joyida muhokama qilish ruhida davom etmoqda.
