Universitet xalqaro hamkorlikni mustahkamlab, sheriklikni rivojlantirmoqda

Cyber University xalqaro miqyosdagi hamkorlikni faol kengaytirishda davom ettirib, dunyodagi yetakchi ilmiy va ta’lim markazlari bilan hamkorlikni yo‘lga qo‘ymoqda.

Avval xabar berganimizdek, universitetning rektori Sh. Kayumov boshchiligidagi delegatsiyasi Amerika Qo‘shma Shtatlariga tashrif buyurib, AQShning yetakchi oliy ta’lim muassasalari va tadqiqot markazlari bilan uchrashuvlar o‘tkazmoqda.

Tashrifdan ko‘zlangan asosiy maqsad – kiberxavfsizlik, sun’iy intellekt hamda axborot texnologiyalari sohalarida qo‘shma o‘quv dasturlarini ishlab chiqish, o‘quv laboratoriyalarini tashkil etish, professor-o‘qituvchilar va talabalar almashinuvini yo‘lga qo‘yish, shuningdek, boshqa ko‘plab yo‘nalishlarda strategik hamkorlik aloqalarini o‘rnatishdan iborat.

Tashrif doirasidagi ilk uchrashuv yetakchi tadqiqot universitetlaridan biri bo‘lgan Johns Hopkins University vakillari bilan bo‘lib o‘tdi.

2025-yil 30-aprel kuni Merilend shtati, Baltimor shahrida Cyber University delegatsiyasi Johns Hopkins University vakillari bilan uchrashuv o‘tkazdi. Ushbu universitet dunyodagi eng nufuzli va yuqori ilmiy salohiyatga ega dargoh hisoblanadi.

1876-yilda tashkil etilgan Johns Hopkins University AQSh tarixidagi ilk tadqiqot universiteti bo‘lib, ta’lim va ilm-fanni birlashtirishda katta tajribaga egadir. Bugungi kunda universitet tarkibida 10 ta fakultet va akademik maktablar mavjud bo‘lib, ularda 29 000 dan ziyod talabalar tahsil oladi. Universitet kiberxavfsizlik, sun’iy intellekt tibbiyot, muhandislik fanlari va xalqaro tadqiqotlar sohalarida dunyodagi yetakchilaridan biri sifatida tan olingan.

Ta`limi taraqqiyotiga ulkan hissa qo`shayotganini tasdiqlaydi. Muhandislik va axborot xavfsizligi sohalarida universitet Whiting School of Engineering va Information Security Institute kabi innovatsion bo‘linmalari bilan mashhurdir, ular orasida Master of Science in Security Informatics magistrlik dasturi ham mavjud.

Johns Hopkins University vakillari universitetdagi kiberxavfsizlik, sun’iy intellekt yo‘nalishlaridagi dasturlari haqida ma’lumot berib, universitetning o‘ziga xos ta’lim va tadqiqot imkoniyatlarini alohida ta’kidladilar.

Uchrashuvda hamkorlik imkoniyatlari bo‘yicha fikr almashildi, istiqbolli hamkorlik yo‘nalishlari muhokama qilindi. Johns Hopkins University vakillari o‘zaro hamkorlikka qiziqish bildirib, tashabbuslar hamda loyihalarni ko‘rib chiqishga tayyor ekanliklarini ma’lum qildilar.

Uchrashuv yakunida tomonlar kelgusidagi rejalar va hamkorlikni rivojlantirish yo‘nalishlarini o‘z ichiga oladigan “Yo‘l xaritasi”ni ishlab chiqish borasida kelishib oldilar.

Universitet global ilmiy makonda o‘z o‘rnini mustahkamlab, dunyoning yetakchi oliy ta’lim muassasalari bilan barqaror va samarali hamkorlikni rivojlantirishga alohida e’tibor qaratmoqda.