Cyber University davlat universiteti va Madaniyat vazirligi o‘rtasida anglashuv memorandumi imzolandi

Cyber University davlat universiteti hamda O‘zbekiston Respublikasi Madaniyat vazirligi o‘rtasida ta’lim, madaniyat va yoshlar salohiyatini rivojlantirishga qaratilgan anglashuv memorandumi imzolandi.

Mazkur hamkorlik doirasida O‘zbekiston Respublikasi Madaniyat vazirining maslahatchisi va Cyber University davlat universiteti rektori Shuxrat Кayumov o‘rtasida uchrashuv bo‘lib o‘tdi. Muloqot davomida ta’lim va madaniyat sohalaridagi hamkorlikni kengaytirish, yoshlarning ijodiy hamda intellektual salohiyatini qo‘llab-quvvatlash, ma’naviy-ma’rifiy loyihalarni amalga oshirish masalalari muhokama qilindi.

Tomonlar madaniy-ma’rifiy tadbirlarni hamkorlikda tashkil etish, raqamli texnologiyalar va madaniyat sohasi integratsiyasini rivojlantirish, milliy qadriyatlarni yoshlar o‘rtasida keng targ‘ib etish hamda zamonaviy bilim va ko‘nikmalarni ommalashtirish bo‘yicha istiqbolli tashabbuslar yuzasidan fikr almashdilar.

Uchrashuv yakunida imzolangan anglashuv memorandumi ta’lim va madaniyat sohalaridagi hamkorlikni yangi bosqichga olib chiqish, qo‘shma loyihalarni amalga oshirish, shuningdek, yoshlar uchun yangi imkoniyatlar yaratishga xizmat qilishi qayd etildi.

Mazkur memorandum tomonlarning ilmiy, ma’naviy va ijodiy hamkorligini yanada mustahkamlash, innovatsion tashabbuslarni qo‘llab-quvvatlash hamda raqamli taraqqiyot va milliy qadriyatlar uyg‘unligini ta’minlash yo‘lidagi muhim qadam sifatida e’tirof etildi.